Kush tha se të vetmuarit s’janë të lumtur? Faktet flasin ndryshe!

Klikoje Foton

“Të vetmuarit, pra ata që nuk kanë një partner të qëndrueshëm dhe nuk kanë një jetë reale në çift, gjithmonë pretendojnë të jenë krenarë për statusin e

tyre.
Duke na lënë të kuptojmë se edhe jeta e beqarisë, paska avantazhet e veta. Ndryshe nga ata të cilët jetojnë në martesë dhe së bashku me një tjetër, nën të njëjtën çati.
“Liria, para së gjithash”. Është motoja kryesore e të tillë personave. Fakt ky që konstatohet nga një studim i fundit i ndërmarrë në këtë fushë. Që shpjegon në fakt avantazhet e vërteta të të qenit i vetmuar.
Sipas tij, kjo nuk duhet ngatërruar aspak me një ndjenjë banale egoizmi. Por thjesht të tillë persona, janë të prirur që të mos e shohin jetën e tyre, të ndikuar nga jeta e një personi tjetër, saktësisht nga idetë apo nevojat e tij.
Me pak fjalë, thjesht të vetmuarit, nuk dinë se si të "mendojnë për dy."
Nga ana tjetër, studimi vë në dukje edhe faktin tjetër se ka disa të vetmuar, që vuajnë nga psikologjia e të mos “rriturit kurrë”. Domethënë, të tillë persona nuk e shohin asnjëherë veten e tyre të denjë për të qenë me dikë në krah, duke pretenduar se rriten në vazhdimësi në kohë.
Sikundër, ka edhe nga ata të vetmuar, të cilët kanë të prirë që ta ndiejnë më mirë veten brenda kuadrit të tyre miqësor, sesa dashuror apo intim.