Kina drejt Henes: Kush e ndalon?

Kina drejt Henes. Pekini pergatitet per te zbarkuar ne satelitin tone. Ne gjysmen e dyte te 2013-s Republika Popullore e Kines do te dergoje sonden e saj te pare, hapi i pare drejt dergimit te mevonshem te nje ekuipazhi njerezor, objektiv i cili nuk behet i ditur akoma se kur do te realizohet. Prezantimi i sondes henore do te behet ne gjysmen e dyte te vitit qe vjen dhe sipas projektit do te jete ne gjendje te transmetoje ne Toke imazhe shume te detajuara te siperfaqes henore (pjeses qe mund te vezhgohet). Ky hap eshte dhe ai qe mezi pritet nga gjigandi aziatik, per te vulosur perfundimisht arritjen dhe tejkalimin e USA ne te gjitha fushat.
Ne rast suksesi, zbarkimi ne Hene do te ishte dhe nje gur kilometrik i zhvillimit te Kines ne kete fushe. Pekini sheh programin e tij shume-miliardesh si simbol i rritjes boterore te imazhit te tij, te kompetencave teknike te permiresuara ndjeshem, dhe te suksesit te arritur nga Partia Komuniste ne rimekembjen e atij qe me pare ishte nje komb i varfer.
Gjithçka filloi ne 1999 me nisjen e sondes Shenzhou-1. Dy vite me pas Shenzhou-2 u dergua ne hapesire me nje “ekuipazh” te veçante, kafshe te vogla, ndersa ne 2003 u dergua astronauti i pare kinez ne hapsire. Qe atehere, Kina kompletoi “ecjen ne hapsire” ne 2008, duke derguar nje rakete dhe sonde pa ekuipazh vitin qe kaloi. Me i fresket eshte udhetimi, qe zgjati 13 dite, i anijes Shenzhou-9, qe realizoi docking manual te pare dhe hyri ne titujt kryesore te mediave dhe per faktin qe ekuipazhi per here te pare permbante gruan e pare ne hapesire.
I realizuar per here te pare nga amerikanet ne 1960, docking eshte esencial per realizimin e nje stacioni hapesinor me ekuipazh permanent. Nisja tjeter e planifikuar vitin qe vjen do te ndjeke ate te 2007 me Chang’e-1 dhe ate te Chang’e-2 te 2010, emra te marre hua nga perendesha e Henes kineze. Administrata shteterore e Shkences, Teknologjise dhe Industrise per mbrojtjen kombetare konfirmojne se projekti ne fjale po perparon pa asnje problem.